Sínoy malímo sa
pamangwaan nukliyer?

Shinpo Light Water Reactor Plant, North Korea

Nangibwat yayti sa Philippine Daily Inquirer
Marso 2, 2010

Masakbay et, saray tawon mampiikap sa prubinsya nakángap tan nasager sarayna kunan pangipákaan na ket sa rubarí maslag a pákitan sa madalí taman kai marabay a gaw´en nin inaburuyan rayayna sara sa pangungulon prubinsya sin sayan linggo.

Kuna ni Conjuangco, síyay nagilalaman sa ikalima a distrikton kungrisyunal, mamádeng nin ruwa ray pamangwaan nukliyer mabyan lí a kasa gapon nangyadí nin pakatubuan sa prubinsya a ikatlon sangkábawan tawo. Sa Pangasinan anamaet sangkábawan saran maidap (pubri) nin tutawo sa kamínan nan Ilukos wanran naisurat ra sa dupong nan National Statistical Coordination Board.

“No aburuyan a pamangwaan nukliyer iti sa Pangasinan, dawaten tamo lí nin ipakayupaan a gastos nin kuryinti sa prubinsya nin tulon pisos (P3) sa sayan udas nan kiluwat (kWh),” wana nin Conjuangco.

Sa kalamuan et wana, sa Pangasinan mag´in ya lí nin kasa gapon márep nin kuryinti a wanran brownout.

Kikiten ngámin a patandá

Nipataros sa Binubolinao ni Oswí Castellano

• • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • •

Si Loren Manunúyog
Ya sa Patiti nin Kuná
sa Luzon

Nangibawat sa mb.com.ph
Marso 1, 2010
LIEZLE BASA IÑIGO

IBALIN URDANETA – Si Sinador Loren Legarda nanunúyog ya nin maipáká sa banglí mangyadi a patiti nin kuná sa Pangasinan tan saray raruman prubinsya mísan main nabaritaan a mangkamatin kuná sa uilog tan sa bubon kuná a nákit sa Ifugao tan Isabella.

Sa pikakalamuan ran mamagpatandá iti, si Legarda nanunúyog yan banglí mangyadí a kumakábawan nin múdit agos nan baybay sa Pangasinan tan nibaritá na saray kapangyadian nan uray a bantayen ra a pamaramunan sa prubinsya tano masambenan a patiti nin kuná a nabaritaan sa Ifugao tan Isabella.

Kikiten ngámin a patandá

Nipataros sa Binubolinao ni Oswí Castellano

• • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • •

Sa Pilipinas say sangkabyayan nin bulkan ket matinek yayna anamana

Nangibwat sa AP
Hulyo 10, 2009

Manila, Pilipinas –Say wanran makatandaan say sangkabyayan nin bulkan sa Pilipinas ket kumurukor yayna anamana kapres nan sumngaw udino umalupaop tan makákit et nan mata a máget nin mutyá sa bebey nan bulkan.

Say wanran makatandaan nin bulkan sa istado umabaw a rayon sa Mayon ket umalis layi a natunawan bubato a wanran magma sa rarem nan bulkan nin umusok lí layi tan sansyan lumumtog lí layi anamaet.

Sitin 2,462 mitro a talugtog nin bulkan itaw ya sa kamínan a butlay nan Bikol ket linmumtog yan abunsyang tan natunawan bubato nangibwat sa Hulyo anggan sa Oktubri 2006 ket nipalayasan na saray 30,000 nin tutawo adayo sa bubali ra.

Saray napadag´anan lutá adani nan tutalugtog nan Mayon baná sa bagyo, natubunan a bubabali sa Disyimbri 2009 tan masurok nin 1,000 tutawo a nati.

Nipataros sa Binubolinao ni Oswí Castellano

• • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • •

Nayegyegan yay Pilipinas kunan maksaw rinmayunan

Press TV

Saray anak nin adalan sumakban ray ulo ra tan umadi sara sa sirong pupitri ra baná sa pasakop nan bayan a pagaw´an sa rayon.

Nangibwat sa AFP
Hunyo 14, 2009

Manila, Pilipinas—Sa bagatanan Pilipinas nayegyegan ya sa masakbay nin Lunis sa maksaw rinmayunan a wanran aftershock nin 5.3 nin pakalakyan, wanran makatandaan nin rayon, sa sayan awro báyo nay katay paksaw nin rayon a namagket sa kapadan kamínan.

Say rinmayunan nasukat ra tamó sa 5:00 a pumarbangon ana, dandanin 160 kilumitro (100 milya) sa bagatanan-baytan nan ibalin Hirinal Santos, tan maarareman nin 60 kilumitro, wanra sa US Geological Survey (USGS).

Sa Linggo say katay paksaw nin rayon a 6.1 nin pakalakyan nagket nay kapadan kamínan adani sa baybay nan Mindanao.

Kasa anamaet nin pataladan a main alalaki nin daluyon udino wanran sunami tan kasay masakbay nin pakaulitan nin sidaan.

Sitin pasakupan a pupuron bayan tumekré ya sa kalibedan nin apoy sa taaw nan Pasipiko ta iti saray lulutá nan sansinakban a misná ket siti a mangipáwit nin rumarayon tan bumubulkan.

Nipataros sa Binubolinao ni Oswí Castellano

• • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • •
MILITARYA >

	Nangibwat sa Miami Herald	Joseph Agcaoili/AP Photo
	6/1/09 Si Lt. Hiniral Oscar Ravena, síyay Air Force Manbumibilin Hiniral, inayater na si US Defense Sikritaryo Robert Gates sa karaté na sa Lunis, Hunyo 1, 2009 sa Manila, Pilipinas. Itaw ya si Gates sa Pilipinas a sayan awro a pasyaran na tano makapag´irguwan a mamidmang nin mampangyadí sa patarig´enan tan say laban sa tirurismo.

• • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • •

Say panglalaban sa Bagatanan nan Pilipinas napailayasan saray ruribon tutawo

Nangibwat sa Radio Australia News
SHIRLEY ESCALANTE
Junyo 8, 2009

Dandanin 30,000 tutawo a napailayasan ran militarya a mantumuklá sa siri kunran kamínan ran manunubag a wanran Moro-Islamic Liberation Front (MILF) tan sa pangangawayan ran ruwa sa bagatanan nan Pilipinas.

Saray manggagawá nin tumulong sa pag´uuray tinmaraná saraynan sumadyá a tumutulong tan pakatkapan nin kitulong kunran umabaw nin tutawo a naipalayasan kunan sitin kamínan.

Saray naipalayasan masurok saran nangibwat sa liman bubabali sa Prubinsya nan Manuidanao itaw sa bagatanan-panrupan kamínan sa puro nan Mindanao.

Nibaritá ra a malímo sara nin mapasálean sara sa pag´awayan ran militarya na Pilipinas tan saray manunubag nin MILF.
Wanran militarya nakalapan raynay ruwa nin kampo ran manunubag sin tinmaraná a pag´laban sin sayan linngo.

Say wanran pangungulon military napati saraynay 35 nin sumusubag sa pag´kaawayan tan pag´labanan, balé say wanran pangungulon manunubag ket syam tamó a nati nin pikakalamó ra.

Nipataros sa Binubolinao ni Oswí Castellano

PAGLAKUAN/PAGKUMIRSYUWAN

Saray pamalakuan nin Hapinoy umabot sa paksaw ran anak-anaken nin tawo