Mag´irgo Atamo

Mag´irgo Atamo » Mag'irgo Atamo

1. Oswi
   Administrador

   Kumusta kumuyo nga'min. Ika' muyudti a nga'min nin kuminto tan suhistyon muyo. Ikalamo' muyay patandaan udino minsahi muyo kunran saray pamilya tan gayem (amigo) muyo sa Bolinao, sa Anda, sa Binabalian, saray itaw et sa rubari' nan taaw tan itaw sa sakalako nin kamínan sa babon lutá.

   Matkap muyo nin magrihistro bale' may'an yan talaga. Matkap tamo' a imil "address" muyo.

   No main et nin High School nin rabay muyon ikalamo' udino a raruman tupiko, umbatan muyuytin pusto.

   Si'kami sa Binubolinao.net ay iriserba miyay awturidad nin galaten a pusto nin gura', pusto nin tirurismo, tan pusto nin mabalaw tuloy kunran raruman tutawo.

   Salamat,
   Oswi'

   Naipusto 2 nin tutaon sin saytaw #

2. john
   Mimbro

   Greetings from San Francisco. Great job at bringing the community together. Thanks!

   Naipusto 2 nin tutaon sin saytaw #

3. Nhad
   Mimbro

   mabista yay tin naisip mo Amigo , iti ako le umistambay taga pi-sa ,piga makaadal et nin mag bolinao , maabig nin awro komuyo!

   Naipusto 2 nin tutaon sin saytaw #

4. Rudy
   Mimbro

   Sabtan bista nan sitin ginwa mo. Lehitimo akon taga Bolinao bale sawanin ko tamo natandaan nin sabtan kadiklengan namin a tanda kon binuBolinao. Kasabyan simplen binuBolinao tamo a tanda ko. Kapresan kon manbasawen ti say nagsikarang nin nipusto mo ket aminen kon talagan napaidapan ako. Para kongko sabtan kararman a raruman binuBolinao iti ta kai ko talaga mataros a raruma.Saya yaynay ti angko sa pirmi kon bisitawen ta pigaw mas umararem et a binuBolinao ko. Abaw a salamat.

   Naipusto 2 nin tutaon sin saytaw #

5. waheedahabdullah
   Mimbro

   hello,adti kamo taga

   Naipusto 2 nin tutaon sin saytaw #

6. Oswi
   Administrador

   Salamat kumuyo a nu'na-nu'nan nangipusto iti sa kami'nan nin pag'irguwan. Ilalo ko nin saray raruma ket tumarana' saran mangusar kunan sitin "website". Nhad tan Rudy tumuloy kamon mamasan binubolinao ket siti a ginwa ko nin nakatulong kungko a nakapanemtem sa Binubolinao. Tanda' muyo piton taon ko nin linmakwan sa Bolinao tan abaw anay susarita' a nalingwanan kuyna. Bale' sin tinmarana' akon namasan surat nin Binubolinao, abaw a napanemtem kon tampor. Tanda' ko nin umno-umno saray kasuratan udino libro nin naisurat sa Binubolinao bale' makatulong sara kungko talaga. Nailista ko saray kasuratan sa http://www.binubolinao.net/Kasuratan/Kasuratan.htm. Pinasuet ko et saray kanayon ko a mag'irgo sara kungko sa Binubolinao. Saray wantin kami'nan sa internit ket makatulong anamaet. Waheedah taga Bolinao ako bale' mampiikap ako sa Sa Francisco CA. Bale' mitaon-taon akoynan magbakasyon itaw. Rabay ko anamaet nin sumubli' no magritayer akoyna li'. Mag'klik ka udino pinditen may "mimbro" sa adani nan ngaran ran mangungusar ta maipakit yay kami'nan ra bale' no nikalamo' raya.

   Naipusto 2 nin tutaon sin saytaw #

7. EugeneCarolino
   Mimbro

   Hi Amigo, sang ayon ako sa sinurat ran membro,a mabista yay tin idea mo. Iti ako sa Tennesse nangebwat sin 1973 ket kasanamaet nin makaergo kon Binubolinao, kanya kai koy na makairgo nin deritso. Sitin web site makatolung yan alaki kungko para makapagirgo akon Binubolinao [ a language that I love so much]. Mag vakasiyon ako sa Filipinas sa Junyo 5 - 18 ta pigaw mabisita ko saray relativo ko tan mag madical/surgical mission kami sa Santa Cruz, Laguna.Rabay ko namaet nin magmission sa Bolinao sa taon nin 2010. Kumusta kumoyo amigo tan saray membro nan familia mo. Sigagalang, sayan Amigo mo sa Tennessee.

   Naipusto 2 nin tutaon sin saytaw #

8. jamesdomondon
   Mimbro

   maabig a yabi kon moyo ngamin amigo...
   mbista ta main nin website nin bolinao a irgo...maong a napanemtem mo amigo ta pinggaww kai tamo malingwanan a mag irgon bolinao
   taga tondol ako sa Anda...

   Naipusto 2 nin tutaon sin saytaw #

9. Raul
   Mimbro

   Maabig a yabi ko moyo ngamin busat'
   More Power & God bless'

   Naipusto 2 nin tutaon sin saytaw #

10. JunPCatanaoan
    Mimbro

    Bobsat tan Kababalyan ko...Maririket akon mamasa kunan sarita' tamo...Bele' kai ko maiyadi sa kerep ko, a bereng sin nagbakasyon ako sa Bolinao sitin namalabas bulan nin Mayo 2008...Abaw saray a'nak, toboba'yo tan bobalasang nin anak orihinal taga Bolinao nin pulos tagalog anay sarita' ra...Pa'noyna no omalaki sara?...Malingwanan ray sarita' tamo nin kinalakyan tan namin galang no ani tan pa'noy yay babali tamo?...Sitin sarita' nin binubolinao, iti yayna nakayator sa sayan departamento ran "linguista" sa Harvard University...Main sayan iskolar tan researcher nin say ngaran na ket Madelen (no kai ako mag-abas sa ngaran na ) nin nako sa Bolinao sin botlay nan taon 1960...Elementary ata mo et sinsaytaw...Iti ya naiikap nin masorok a'nem a bulan sa A & E Garden, sayan resorts sa babali nin si min-ikon si Bapa Quentin Caasi...Mayadi yay omnoran bulan nin pag-adal na , mas maong yan ki-ergo tan manurat kompara sa raruman taga-Bolinao...Kanya si ergon binubolinao, naka-rekord yayna konan sitin sayan prestisyoson onibersidad...Wa lamang nin main makon kababalyan tamo nin mangikit konan sitin nakasurat...Abaw salamat komoyon mangado' nin sarita' tamo...Mabuhay ka bosat Oswi, omabaw saray tawo nin kapada mo komon! Sigagalang,

    Naipusto 2 nin tutaon sin saytaw #

11. margaretceleste
    Mimbro

    Sitin mensahe ko para konan irespeto kon si Mr.Josue Castellano, Una una ibi koy alakin pasasalamat sa sangkabistawan a ginwa mon proyekto siti si website mo para kontamo ngamin nin ampag irgo nin binubolinao, taga anda tan bolinao. Kai ata mitandaan bale nateng koynan rabay sumrep konan sitin website ta para ibi koy pasasalamat ko bilang sayan taga bolinao nin marabay nin kai malingwanan a sarita tamo.Apo nako sa tood ni simon del fierro si nanay ko Palaway del Fierro, apo ni don simon. ambo akon maong tuloy nin mag internet,simple tamo a tanda ko kanya say katutuwan ket idap kon inadal bayo ako nakasrep konan website mo pigaw masuratan kata.Puryan mo ta no kain tuloy abaw gawa ko ket mangkit ako et nin sayti say literaryo nin Bolinao ta ipawit ko komo.sawanin, agosto ket bolan nin irgo(buwan ng wika)sali kai mo matarusan ta kai kon lamang tanda ngamin sarban irgo nin isurat sa bolinao.Main interview ra kongko sin sayay awro tamo nin abscbn tv 32 iti sa north central luzon pakaka sa irgon Bolinao, kanya siyempre, sika a ginwa kon pakakitan nin pano tamo panprotektawan a irgo tamo pigaw kai ya mamet sa susuyot a awro. Nipakit koy website mo sa internet,kinalap ray litrato mo tan nibarita ko konra no ani a man gaw en gaw en iti konan sitin website tan no pano mo binyan nin importansiya a irgo tamon binubolinao.Naipaliwa yayna sin naapon tamo,august 17, sa Gandang Umaga Kapamilya.
    sige ta manurat ako li uman iti no raruman awro. abaw a salamat. Margie

    Naipusto 11 nin bubulan sin saytaw #

12. angelo
    Mimbro

    maabig a awro kuntamo ngamin. tay riga nin makakit wanti nin website nin puros binubolina a irgo. God Bless You admin!

    Naipusto 9 nin bubulan sin saytaw #

"RSS feed" kunan sitin tupiko

Umbat

Matkap mon sumrep ta pigaw makapusto ka.