Mag´irgo Atamo

Mag´irgo Atamo » Kastila' udino Binubolinao

1. Oswi
   Administrador

   Tanda' muyo bana' saray Kastila' a nako sa Bolinao sin a'pat-ayasut tulumpulo' tan tulo nin tutaon intaw. Nag'uuray sara sa Pilipinas tulon-yasut nin tutaon ket nasilyan anaod a ugalian tamo tan lalun-laluyna a sarita' atamo. Kunan sitin Siksyon udino Tima nan pag'irguwan, rabay koy kikiten a sarita' a nagibwat sa Kastila' tan tingkapen tamo saray susarita' a na'met ana. Kai ko rabay nin galaten saray susarita' a nangibwat sa Kastila' bana' ta nag'in saraynan sarita' nan Binubolinao bale' rabay ko anamaet nin makitanda' kunran sarita' a namet ana udino tumarana' a maka'met pigaw maiyator udino mapriserba sara.

   Naipusto 2 nin tutaon sin saytaw #

2. Oswi
   Administrador

   Lugar udino Kami'nan:
   Say isip ko ket kapada saraytin sarita' bale' si saya ket Binubolinao yan talaga.
   Bilang sa: "Adti a lugar muyo?" "Adti a kami'nan muyo"? Kapada, kai pa?

   Naipusto 2 nin tutaon sin saytaw #

3. Raul
   Mimbro

   si binobolinao a ergo baramon sambal yan nin ergo?

   Naipusto 2 nin tutaon sin saytaw #

4. Oswi
   Administrador

   O'. Say sarita' nin Binubolinao a nangibwat ya sa pamilya a saritá nin Sambal. Walo saray ngámin nin saritá tan nagrupo sara et nin tulo a katiguryo nin etniko:
   Agta: Abelen Agta, Ambala Agta, Bataan Agta
   Ayta: Mag-Anchi Ayta, Mag-Indi Ayta
   Sambal: Bolinao (Binubolinao) Sambal, Botolan Sambal, Tina Sambal
   Nailistayti sa http://www.binubolinao.net/Nangyayadi/Nangyayadi.htm

   Main sinaliw ko a Bilbya nin Sambali' Tina' ket sa nu'nan ko binasa adani yan tuloy sa Binubolinao. Main nin sakalakuwan bilang say sarita' ran "hawanin" tan "awlo", sa Binubolinao "sawanin" tan "awro" sara. Saray litra ran "ha" (Tin) kapada yan "sa" (Bol). Say litra ran "la" (Tin) kapada yan "ra" (Bol). Main et nin daite' a sakalakuwan bale' nakapatandaan kon tampor.

   Naipusto 2 nin tutaon sin saytaw #

5. JunPCatanaoan
   Mimbro

   Bobsat,iti sa lugar mi sa Oregon... Abaw saray mampiikap nin hispanics...Mi'sa main amigo kong mexicano, napag-erguan mi a "evolvement" nan sarita ...Main omnoran tanda' nan tagalog ta main fil-am nin katrabahuwan na ...Ergo kami sa lenguahe nin tomayak sa raraom nasyn...Anggan nako a ergowan sa binubolinao...Wangko say dialiko tamo abaw nakalapan sa sarita' nin espanyol...Nami akon ehemplo kuna no matarosan na..."ABRIAN MAY PURTA!" wangko kuna...Naka'ngap ya, ta sin "translate" nayay ergo tamo sa espanyol- "ABRI LA PUERTA!" Umimis ya kongko...

   Naipusto 2 nin tutaon sin saytaw #

"RSS feed" kunan sitin tupiko

Umbat

Matkap mon sumrep ta pigaw makapusto ka.